Bantay Kurapsyon (Corruption Watch)E-News

Nganong ang balayronon sa tubig sa Oroquieta mahal man kaayo kumpara sa

Bantay Kurapsyon: An award-winning anti-corruption campaign by Paul Pastrano Gangoso

ubang syudad? Dili pa gayud mainom?

Sulod sa pipila ka katuigan, ang Misamis Occidental Water District  ang nag-inusarang ahensya nga nagahatag ug patubig ngadto sa mga kabalayan ug mga establismento  sa distrito uno sa atong probinsya. Ug sulod niining pipila ka katuigan, daghan nang mga anomalya ang nabulgar, nahilom  ug gikalimtan. Bisan pa milyunes nga kwarta sa katawhan ang apil niini.  Guwas pa niana, walay gihatag nga pagtagad ang ahensya sa MOWD sa reklamo sa CEO kalabot niing mga pagdaot sa mga kadalanan isip resulta sa mga trabaho sa patubig. Ang mga nadaot nga parte sa kadalanan gipasagdan ug dako na ang nagasto sa atong dakbayan sa pag-repair niini.

Niining planong de-annexation sa MOWD sa Lungsod sa Oroquieta, dako ang mahimong benepisyo sa mga konsumante tungod kay adunay igong kapasikaran ang mga repormang iduso kabahin sa sistema sa administrasyon ug serbisyo  sa sektor sa patubig. Apan dili usab kini luwas sa dili maayong epekto ilabina kung masagulan ug pamulitika ang pagdumala sa maong konseho. busa naghinaot ta nga ang kaayohan sa kadaghanan ang tiunay nga tumong niining nagduso aron mabag-o ang sektor sa patubig ning atong dakbayan.
*******************
Nganong wala may pulos ning mga pamalaod nga giduso sa atong lokal nga kagamhanan? ug sila mismong mga opisyales nga mao untay mo-implementar sa atong pamalaod mao man mismo ang mga unang nagasupak niini? Susama nalang sa NO-SMOKING  policy sa mga opisina ug tanang pampublikong lugar. Adunay mga head of offices nga nagsige ug panigarilyo sulod sa ilang opisina. Bisan atubang sa mga tawo, nagsige ug pabulhot ug aso.  Palpak ang atong pamalaod. Bisan piso gani walay namulta gikan sa labihan kadaghan nga supakero ning balaod nga ang tumong unta aron ma-proteksyonan ang panglawas sa kadaghanan.

Ang ordinansa nga nagadili sa pag-park sa mga dagkong sakyanan duol sa plaza ining gabii nganong wala man gi-implementar? Daghan man gihapon gani ang nag parking sa mga restricted zones?  Libo-libo ang gasto aron mapanday ang usa ka ordinansa unya wala man diay pulos man lang.
*****************